ஒரத்தநாடு அருகே பாம்பு கடித்து விவசாயி பலி
ஒரத்தநாடு அருகே பாப்பா நாட்டில் நேற்று(நவ.17) காலை வயலில் வேலை செய்த விவசாயியை விஷப்பாம்பு கடித்து பரிதாபமாக இறந்தார். தஞ்சை மாவட்டம், ஒரத்தநாடு தாலுக்கா, பாப்பாநாடு அருகே உள்ள திப்பியக்குடி கிராமத்தை சேர்ந்த விவசாயி பட்டு (65). நேற்று காலை அவருக்கு சொந்தமான வயலில் வேலை செய்தார். அப்போது, வயலில் இருந்த விஷம் பாம்பு கடித்ததில், பட்டு மயங்கி விழுந்தார். அருகிலிருந்தவர்கள், அவரை மீட்டு பட்டுக்கோட்டை அரசு பொது மருத்துவமனைக்கு சிகிச்சைக்காக கொண்டு போய் சேர்த்தனர். மருத்துவமனையில் சிகிச்சை பலனின்றி பரிதாபமாக விவசாயி பட்டு இறந்தார். இதுகுறித்து, பாப்பநாடு போலீசார் வழக்குப் பதிவு செய்து விசாரணை செய்து வருகின்றனர். விவசாய நிலத்தில் வேலை செய்தபோது பாம்பு கடித்து விவசாயி இறந்ததால், அப்பகுதியில் பரபரப்பு ஏற்பட்டது.
