சிவகங்கை: பங்குனித் திருவிழாவுக்காக நிரப்பப்பட்ட தண்ணீா்

சிவகங்கை மாவட்டம், தாயமங்கலம் ஸ்ரீ முத்துமாரியம்மன் கோயில் பங்குனித் திருவிழாவுக்காக தெப்பக்குளத்தில் தண்ணீர் நிரப்பப்பட்டது. தென் மாவட்டங்களில் புகழ் பெற்ற இந்தக் கோயிலில் இந்த ஆண்டு பங்குனி திருவிழா வருகிற 29-ஆம் தேதி தொடங்கி, 11 நாள்கள் நடைபெறுவுள்ளது. இந்த விழாவுக்கு தமிழகத்தின் பல்வேறு பகுதிகளிலிருந்தும் வரும் பக்தர்கள் தங்களது வேண்டுதல்களை நிறைவேற்றி முத்துமாரியம்மனை தரிசனம் செய்வார். திருவிழாவுக்கு வரும் பக்தர்கள் நீராட வசதியாக கோயில் தெப்பக்குளத்தில் ஏற்கெனவே இருந்த தண்ணீர் வெளியேற்றப்பட்டு, தற்போது அருகேயுள்ள விவசாயக் கிணறுகளிலிருந்து தண்ணீர் கொண்டுவரப்பட்டு, தெப்பக்குளத்தில் நிரப்பப்பட்டுள்ளதாக கோயில் பரம்பரை அறங்காவலர் மு. வெங்கடேசன் செட்டியார் தெரிவித்தார்.