சேலம்: அப்துல்கலாம் அறக்கட்டளை சார்பில் மரக்கன்றுகள் வினியோகம்
சேலம் மாவட்டம் இடங்கணசாலை நகராட்சி அப்துல்கலாம் நண்பர்கள் அறக்கட்டளை சார்பில் டாக்டர் அப்துல்கலாமின் 93-வது பிறந்த நாள் கொண்டாடப்பட்டது. அப்போது பாரா ஒலிம்பிக் போட்டியில் வெற்றி பெற்ற அனைத்து வீரர், வீராங்கனைகளையும் பாராட்டும் வகையில் இடங்கணச்சாலை நகராட்சி பஸ் நிலையத்தில் தென்னங்கன்றுகள், மா, பலா, கொய்யா உள்ளிட்ட 14 வகையான மரக்கன்றுகள் பொதுமக்களுக்கு வினியோகம் செய்யப்பட்டன. இந்த நிகழ்ச்சியில் சிறப்பு அழைப்பாளராக நூலகர் விருது பெற்ற சந்தோசம், மகுடஞ்சாவடி போலீஸ் சப்-இன்ஸ்பெக்டர் ஆனந்தன் ஆகியோர் கலந்து கொண்டு பொதுமக்களுக்கு மரக்கன்றுகளை வழங்கினர். ஏற்பாடுகளை இடங்கணசாலை நகராட்சி அப்துல்கலாம் நண்பர்கள் அறக்கட்டளையினர் செய்திருந்தனர்.
