சேலத்தில் நர்சிங் கல்லுாரி மாணவி மாயம்

சேலம் மாவட்டம் சங்ககிரி அடுத்த வைகுந்தம், பகுதியை சேர்ந்த மாணவி, கன்னியாகுமரி அரசு மருத்துவக்கல்லுாரியில், பி. எஸ்சி. , நர்சிங் இரண்டாம் ஆண்டு படிக்கிறார். இவர், அங்குள்ள தனியார் விடுதியில் தங்கி படித்து வருகிறார். இந்த நிலையில் கடந்த, 9ந்தேதி காலை 10: 00 மணியளவில், பஸ்சில் சொந்த ஊருக்கு புறப்பட்டவர் நள்ளிரவு, 2: 00 மணிக்கு சேலம் வந்து சேர்ந்துள்ளார். அதன்பின், மொபைலில் தொடர்பு கொண்டு, சேலம் புது பஸ் ஸ்டாண்டுக்கு வந்து விட்டதாகவும் வீட்டுக்கு புறப்பட்டு வந்து கொண்டிருப்பதாக தகவல் தெரிவித்துள்ளார். எனினும் தகவல் தெரிவித்தபடி மாணவி வீடு திரும்பவில்லை. இது பற்றி தாய் சாந்தி, சேலம் பள்ளப்பட்டி போலீசில் புகார் அளித்தார். இந்த புகாரின் அடிப்படையில் போலீசார் வழக்கு பதிவு செய்து விசாரணை நடத்தி வருகின்றனர்.