சேலம் அருகே மாணவிகள் 2 பேர் மாயம் போலீஸ் விசாரணை
சேலம் காடையாம்பட்டியை சேர்ந்தவர் நிரஞ்சனா(19). இவர் சேலம் சூரமங்கலம் பகுதியில் உள்ள தனியார் கல்லூரியில் முதலாமாண்டு படித்து வருகிறார். நேற்று முன்தினம் கல்லூரிக்கு சென்ற அவர் மீண்டும் வீடு திரும்பவில்லை. இதனால் அதிர்ச்சியடைந்த பெற்றோர் கொடுத்த புகாரின் பேரில் சூரமங்கலம் போலீசார் வழக்கு பதிவு செய்து விசாரணை நடத்தி வருகின்றனர். இதே போல் சேலம் ஓமலூர் பக்கமுள்ள கருப்பூரைச் சேர்ந்தவர் கவுரி(19). இவர் கருப்பூர் பகுதியில் உள்ள கல்லூரி ஒன்றில் பிடெக் 2ம்ஆண்டு படித்து வருகிறார். நேற்று முன்தினம் கல்லூரிக்கு சென்ற கவுரி மீண்டும் வீடு திரும்பவில்லை. இதனால் அதிர்ச்சியடைந்த பெற்றோர் கொடுத்த புகர்ரின்பேரில் கருப்பூர் போலீசார் வழக்கு பதிவு செய்து விசாரணை நடத்தி வருகின்றனர்.
