சேலம்: வாக்காளர் பட்டியல் திருத்த முகாம்; கலெக்டர் அறிவிப்பு
சேலம் கலெக்டர் விடுத்துள்ள அறிக்கையில் கூறியிருப்பதாவது: தேர்தல் ஆணைய உத்தரவுப்படி 2025-ம் ஆண்டிற்கான வரைவு வாக்காளர் பட்டியல் சிறப்பு சுருக்க முறை திருத்த முகாம் கடந்த அக்டோபர் மாதம் 29-ந்தேதி தொடங்கியது. வருகிற 28-ந்தேதி வரை நடைபெறுகிறது. மாவட்டத்திற்குட்பட்ட 11 சட்டசபை தொகுதிகளில் உள்ள 1,269 வாக்குச்சாவடி மையங்களில் உள்ள 3,264 வாக்குச்சாவடிகளில் நாளை (சனிக்கிழமை), நாளை மறுநாள் (ஞாயிற்றுக்கிழமை) ஆகிய 2 நாட்கள் வாக்காளர் பட்டியலில் பெயர் சேர்த்தல் சிறப்பு முகாம் நடக்கிறது. முகாம்கள் காலை 9 மணி முதல் மாலை 5 மணி வரை நடக்கிறது. Voters.eci.gov.in என்ற இணையதளம் மூலமாகவும், "Voter helpline" என்ற செல்போன் செயலி மூலமாகவும் விண்ணப்பிக்கலாம். இந்த தகவலை கலெக்டர் பிருந்தாதேவி தெரிவித்துள்ளார்.
