சேலம்: ஆசிரியை கொலைக்கு கண்டனம்: மெழுகுவர்த்தி ஏந்தி ஆர்ப்பாட்டம்

அனைத்து ஆசிரியர் சங்கங்களின் கூட்டமைப்பு சார்பில் சேலம் கோட்டை மைதானத்தில் ஆர்ப்பாட்டம் நடைபெற்றது. இதற்கு ஒருங்கிணைப்பாளர் சங்கர் தலைமை தாங்கினார். இதில் தஞ்சாவூரில் ஆசிரியை படுகொலையை கண்டித்தல், கொலையாளிக்கு உரிய தண்டனை வழங்க வேண்டும், ஆசிரியர்களுக்கு பணி பாதுகாப்பு சட்டத்தை நிறைவேற்ற வேண்டும் என்ற கோரிக்கைகள் வைக்கப்பட்டன. ஆர்ப்பாட்டத்தில் கலந்து கொண்டு ஆசிரியர்கள் பலர் கையில் மெழுகுவர்த்தி ஏந்தி தஞ்சாவூரில் ஆசிரியை கொலைக்கு கண்டனம் தெரிவித்து அஞ்சலி செலுத்தி ஆர்ப்பாட்டம் செய்தனர்.