மேலூர்: மிதிவண்டியிலிருந்து கீழே விழுந்த முதியவர் பலி
மதுரை மாவட்டம் மேலூர் புதுசுக்காம்பட்டியைச் சேர்ந்த கிருஷ்ணன் (74) என்பவர் கடந்த அக்டோபர் 26 ஆம் தேதி மாலை 4.30 மணியளவில் சுக்காம்பட்டி பெரியகருப்பன் கோவில் வீடு அருகே தனது சைக்கிளில் சென்றுகொண்டிருந்தபோது எதிர்பாராதவிதமாக சைக்கிளில் இருந்து கீழே விழுந்தார். உடனடியாக அவரை மீட்டு மேலூர் அரசு மருத்துவமனையில் முதலுதவி அளித்த பின்பு மதுரை அரசு ராஜாஜி மருத்துவமனையில் மேல்சிகிச்சைக்காக அனுமதிக்கப்பட்டார். இந்நிலையில் நேற்று (நவம்பர் 7) மதியம் சிகிச்சை பலனின்றி உயிரிழந்தார். இதுகுறித்து அவரது மகன் மகாலிங்கம் மேலூர் காவல்நிலையத்தில் புகார் அளித்தார். போலீசார் வழக்குப்பதிவு செய்து விசாரணை நடத்தி வருகின்றனர்.
