ராஜாக்கமங்கலம்: மாடியில் இருந்து விழுந்த தொழிலாளி உயிரிழப்பு
இரணியல் பகுதியைச் சேர்ந்தவர் செல்லதுரை (55) கட்டுமான தொழிலாளி. இவருக்கு இன்னும் திருமணம் ஆகவில்லை. இவர் ராஜாக்கமங்கலம் பகுதியில் உள்ள தனது சகோதரி வீட்டில் தங்கி இருந்து வேலைக்குச் சென்று வந்தார். மேலும் செல்லதுரைக்கு வலிப்பு நோய் உள்ளதாக கூறப்படுகிறது. இந்த நிலையில் நவம்பர் 13 அன்று செல்லதுரை பருத்திவிளையைச் சார்ந்த ஒருவரது வீட்டில் கட்டுமான வேலைக்குச் சென்றார். பிற்பகல் மாடியில் நின்று வேலை செய்துகொண்டிருந்தபோது தலைசுற்றுதல் ஏற்பட்டதால் செல்லதுரை மாடியில் இருந்து தவறி கீழே விழுந்து படுகாயம் அடைந்தார். உடனடியாக அவரை மீட்டு குமரி அரசு மருத்துவக் கல்லூரி ஆஸ்பத்திரியில் கொண்டு சென்றனர். ஆனால் செல்லும் வழியில் அவர் உயிரிழந்தார். இது தொடர்பான புகாரின் பேரில் ராஜாக்கமங்கலம் போலீசார் வழக்குப் பதிவு செய்து விசாரித்து வருகின்றனர்.
