சென்னையில் விடிய விடிய கொட்டித் தீர்த்த மழை

சென்னை மற்றும் புறநகர் பகுதிகளில் நேற்று (நவ.14) இரவு பெய்ய தொடங்கிய மழை இன்று (நவ.15) காலை வரை விடிய விடிய கொட்டித் தீர்த்தது. தொடர்ந்து இன்று ராமநாதபுரம், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கடலூர் மற்றும் காரைக்கால் பகுதிகளில் இன்று கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. அதேபோல், சென்னையில் இன்று மிதமான மழை பெய்யும் எனவும் தெரிவிக்கப்பட்டுள்ளது.