அருமனை: சட்டவிரோதமாக ரப்பர் மரம் வெட்டியவர் கைது
அருமனை அருகே சாத்தபிலாவிளை பகுதியை சேர்ந்தவர் ஜார்ஜ்ஸ்டீபன் (50). அதே பகுதியை சேர்ந்த மிக்கேல் என்பவருக்கு ஜார்ஜ் ஸ்டீபன் வீட்டின் அருகே 9 சென்ட் நிலம் சொந்தமாக உள்ளது. இந்த நிலத்தை தனக்கு தருமாறு ஜார்ஜ் இவன் அடிக்கடி கேட்டு வந்ததாக கூறப்படுகிறது. ஆனால் மிக்கேல் கொடுக்க மறுத்து, அந்த நிலத்தை வள்ளிதோட்டம் பகுதியை சேர்ந்த சுதீர் என்பவருக்கு அவர் விற்பனை செய்துள்ளார். இந்த நிலையில் நேற்று இரவு விற்பனை செய்யப்பட்ட இடத்தில் இருந்த ரப்பர் மரங்களை வெட்டும் சத்தம் கேட்டது. சுதீர் சென்று பார்த்தபோது, அங்கு ஜார்ஜ் ஸ்டீபன் சிலருடன் இயந்திரங்கள் மூலம் அந்த நிலத்தில் இருந்து ரப்பர் மரங்களை வெட்டிக் கொண்டிருந்ததை கண்டார். இது குறித்து அவர் அருமனை போலீஸ் நிலையத்தில் புகார் செய்தார். போலீசார் சம்பவ இடத்திற்கு சென்று விசாரணை நடத்தி, பின்னர் சட்டவிரோதமாக பணியாட்களை வைத்து ரப்பர் மரங்களை வெட்டிய ஜார்ஜ் ஸ்டீபனை கைது செய்து குழித்துறை கோர்ட்டில் ஆஜர் படுத்தி சிறையில் அடைத்தனர்.
