வெள்ளிச்சந்தை: பைக்குகள் மோதியதில் ஒருவர் படுகாயம்
பூதப்பாண்டி காந்திஜி நகரை சேர்ந்தவர் ஸ்ரீநிவாசன் (45). வீட்டின் உட்பகுதியில் அலங்காரம் செய்யும் தொழில் செய்து வந்தார். சம்பவ தினம் ஸ்ரீநிவாசன் குளச்சலில் உள்ள ஒரு வீட்டில் அலங்கார வேலைக்கு சென்றார். அங்கு வீட்டில் வேலைக்கு அளவுகளை எடுத்துவிட்டு பைக்கில் ஊருக்கு திரும்பி சென்று கொண்டிருந்தார். வெள்ளமோடி - ஆசாரிப்பள்ளம் சாலையில், வெள்ளிச்சந்தை மார்க்கெட் அருகே செல்லும் போது அழிக்கால் மாதா நகரை சேர்ந்த ரேண்டில் என்பவர் ஓட்டி வந்த பைக் ஸ்ரீனிவாசன் பைக்கில் மோதியது. இதில் பலத்த காயவந்த ஸ்ரீநிவாசனை அக்கம் பக்கத்தினர் மீட்டு சிகிச்சைக்காக குமரி அரசு மருத்துவ கல்லூரி ஆஸ்பத்திரியில் சேர்த்தனர். ரேண்டில் மீது வெள்ளிச்சந்தை போலீசார் வழக்கு பதிவு செய்து விசாரணை நடத்தி வருகின்றனர்.
