மெதும்மல்: ஆட்டோ டிரைவர் கொலை 3 பேர் கைது
களியக்காவிளை அருகே உள்ள மெதுகும்மல் பகுதியைச் சேர்ந்த சுரேஷ் (42) மாற்றுத்திறனாளி. ஆட்டோ டிரைவர். கடந்த 5-ம் தேதி நள்ளிரவில் ஏற்பட்ட தகராறில் 3 பேர் கும்பல் இவரை அடித்ததில் படுகாயம் அடைந்தார். தொடர்ந்து குமரி அரசு மருத்துவக் கல்லூரி ஆஸ்பத்திரியில் சுரேஷ் அனுமதிக்கப்பட்டார். இது குறித்து களியக்காவிளை போலீசார் வழக்கு பதிவு செய்து விசாரணை நடத்தினர். இந்த நிலையில் சுரேஷ் நேற்று முன்தினம் சிகிச்சை பலனில்லாமல் உயிரிழந்தார். இதை அடுத்து இந்த வழக்கு கொலை வழக்காக மாற்றப்பட்டு அவரை தாக்கியவர்களை உடனடியாக கைது செய்தால் தான் உடலை வாங்குவோம் என்று சுரேசின் உறவினர்கள் கூறினார்கள். அதன்படி போலீசார் சுரேஷை தாக்கிய சஞ்சய் என்பவரை முதலில் கைது செய்து அவரிடம் நடத்திய விசாரணை அடிப்படையில், அவரது நண்பர்கள் எஸ்டி மங்காடு பகுதி சேர்ந்த பிரபின் (26) ரெஜிஸ் (23) ஆகியோரை கைது செய்தனர். கைதான மூன்று பேரும் நேற்று (13-ம் தேதி) நீதிமன்றத்தில் ஆஜர் படுத்தப்பட்டு சிறையில் அடைக்கப்பட்டனர்.
