புதுக்கடை: காரில் வந்து ஆடுகளை திருடிய கும்பல்

புதுக்கடை அருகே ஐரேனிபுரம் சானல்முக்கு பகுதியை சேர்ந்தவர் விஜயகுமாரி (58). இவர் தனது வீட்டில் ஆடு வளர்த்து வருகிறார். கடந்த 6-ம் பிற்பகல். 3. 45 மணியளவில் காரில் வந்த அடையாளம் தெரியாத மர்ம கும்பல் ஒரு ஆட்டை திருடி சென்றனர். அதன் மதிப்பு ரூ. 20 ஆயிரம் ஆகும். இது தொடர்பாக விஜயகுமாரி புதுக்கடை போலீசில் புகார் செய்தார். போலீசார்  வழக்கு பதிவு செய்து அந்த பகுதியில் உள்ள சிசிடிவி கேமராக்களை ஆய்வு செய்தனர்.

இதில் வெள்ளை நிற காரில் வந்து 4 பேர் கும்பல் ஆடு திருடியது தெரிய வந்தது. தொடர்ந்து ஆட்டை திருடிய முஞ்சிறை பகுதியை சேர்ந்த சம்ஜோத் (25), எட்வின் கிளாடிஸ் (3 8) ஆகிய இருவரை நேற்று ( 9-ம் தேதி) மாலையில் கைது செய்து, கார் பறிமுதல் செய்தனர். மேலும் இருவரை தேடி வருகின்றனர்.