சாலையில் கிடந்த மனித தலை.. மதுரையில் பரபரப்பு

மதுரையில் சாலையில் துண்டாகி கிடந்த மனித தலையால் பரபரப்பு ஏற்பட்டுள்ளது. நாகனாகுளம் கண்மாய் அருகே நத்தம் சாலையில் 60 வயது மதிக்கத்தக்க நபரின் தலை துண்டிக்கப்பட்டு கிடந்தது. அந்த தலையை மீட்டு தல்லாகுளம் போலீசார் விசாரணை நடத்தி வருகின்றனர். குறிப்பாக அப்பகுதியில் உள்ள சிசிடிவி காட்சிகளை ஆய்வு செய்து குற்றவாளிகளை தேடி வருகின்றனர். தலையை கொண்டு வந்து வீசிச்சென்றது யார் என்பது குறித்து விசாரிக்கின்றனர். மோப்ப நாய் மூலம் போலீசார் சம்பவ இடத்தில் ஆய்வு செய்தனர்.