இரணியல்: வங்கி மேலாளர் கார் அடித்து உடைப்பு; ஒருவருக்கு வலை
இரணியல் அருகே வில்லுக்குறி பகுதியை சேர்ந்தவர் ஆன்டனி ஜெபஸ்டின் பிராங்க்டப் (33) வங்கி ஒன்றில் உதவி மேலாளராக இருந்து வருகிறார். இவருக்கும் மாடத்தட்டுவிளை, மேற்கு தெருவை சேர்ந்த டெம்போ டிரைவர் ஜான்லி பெனான்ஸ் (25) ஆகிய இருவருக்கும் சொத்து சம்பந்தமாக முன்விரோதம் இருந்து வந்தது. இந்த நிலையில் சம்பவத்தினம் ஆண்டனி ஜெபஸ்டின் சொத்துக்குள் அத்து மீறி நுழைந்த ஜான்லி பெனான்ஸ் அங்கு நிறுத்தி இருந்த அவரது காரின் கண்ணாடிகளை அடித்து உடைத்தும், சீட்டுகளை கிழித்தும், அங்கிருந்த சிசிடிவி கேமராவை அடித்து உடைத்து அட்டகாசம் செய்து உள்ளார். இது குறித்து அறிந்ததும் ஆண்டனி ஜெபாஸ்டின் இதை தட்டி கேட்டுள்ளார். அப்போது அவதூராக பேசிய ஜான்லி பெனான்ஸ் டெம்போ ஏற்றி கொலை செய்து விடுவதாகவும், வெட்டு கத்தியை காட்டி மிரட்டி சென்றுள்ளார். இது குறித்து ஆண்டனி ஜெபாஸ்டின் இரணியல் போலீசில் புகார் செய்தார். புகாரில் ரூபாய் ஒரு லட்சத்து 25 ஆயிரம் அளவில் சேதம் ஏற்பட்டிருப்பதாகவும் கூறியிருந்தார். போலீசார் 4பிரிவுகளின் கீழ் வழக்கு பதிவு செய்து தலை மறைவான ஜான்வி பெனான்சை தேடி வருகின்றனர்.
