காஞ்சிபுரம் சங்கரா பல்கலை மாணவர்களுக்கு பாராட்டு
காஞ்சிபுரம் மாவட்டத்தில் முதல்வர் கோப்பை, மாநில அளவிலான கைப்பந்து போட்டி திருச்சியில் நடந்தது. இதில், பல்கலைகழகங்களுக்கு இடையே நடந்த மாணவியருக்கான கைப்பந்து இறுதி போட்டியில், சேலம் மாவட்ட அணியும், காஞ்சிபுரம் மாவட்டம் சார்பில், காஞ்சிபுரம் சந்திரசேகரேந்திர சரஸ்வதி விஸ்வ மஹா வித்யாலயா நிகர்நிலை பல்கலை அணியும் மோதியது. இதில், சேலம் மாவட்ட அணி 17 - 16 என்ற கோல் கணக்கில் முதலிடத்தையும், காஞ்சிபுரம் மாவட்டம் சார்பில், பங்கேற்ற சந்திரசேகரேந்திர சரஸ்வதி விஸ்வ மஹா வித்யாலயா நிகர்நிலை பல்கலை மாணவியர் இரண்டாம் இடத்தையும் பெற்றனர். இரண்டாமிடம் பெற்ற மாணவியரை பல்கலை துணைவேந்தர் சீனிவாசு, பதிவாளர் ஸ்ரீராம், டீன் வெங்கட்ராமன், உடற்கல்வித்துறை இயக்குனர் குணாளன் உள்ளிட்டோர் பாராட்டி நினைவுப்பரிசு வழங்கி கவுரவித்தனர்.
