கல்வி ஒளி நண்பர்கள் குழு" சார்பில் ஆசிரியர் தின நிகழ்ச்சி

செங்கல்பட்டு மாவட்டம் கல்பாக்கம் அடுத்த சதுரங்கப்பட்டினம் ஊராட்சியில் கல்வி ஒளி நண்பர்கள் குழு தமிழுக்காகவும் திருக்குறளுக்காகவும் பல்வேறு சேவைகளைச் செய்து வருகிறது அதன்
ஒரு பகுதியாக சதுரங்கப்பட்டினம் நூலகத்தில் வாரம்தோறும் திருக்குறள் வகுப்பு மற்றும் தமிழ் எழுத்து பயிற்சி, இலக்கண வகுப்பு நடைபெற்று வருகிறது. 100 க்கும் மேற்பட்ட அரசு மற்றும் தனியார் பள்ளி மாணவ மாணவியர்கள் திருக்குறள் வகுப்பில் கல்வி பயின்று வருகின்றனர். ஒவ்வொரு மாதமும் விழா கொண்டாடுவது வழக்கமாகும். அதே போன்று இந்த மாதத்தின் மாதாந்திர விழாவாக டாக்டர் ராதாகிருஷ்ணன் பிறந்த நாளை ஆசிரியர் தினமாக கொண்டாடப்பட்டது விழாவுக்கு கல்வி ஒளி நண்பர்கள் குழுவின் தலைவர் ரமேஷ் தலைமை தாங்கினார் கல்வி ஒளி நண்பர்கள் குழு பொறுப்பாளர்கள்.
ஈ. சி. ஆர்
முனுசாமி, தமிழ் ஆர்வலரும், திருக்குறள் வகுப்பின் ஆசிரியருமான ஆ. தி. பகலன் என்கிற சம்பத்குமார் உள்ளிட்டோர் முன்னிலையில்
சிறப்பு விருந்தினராக வாயலூர் அரசு மேல்நிலைப் பள்ளியின் உதவி தலைமை ஆசிரியர் முகமது அர்சத் கலந்து கொண்டு சிறப்புரை ஆற்றினார். "