திண்டிவனத்தில் சிறுமியை கர்ப்பமாக்கிய வாலிபர் மீது வழக்கு
திண்டிவனம் அடுத்த எண்டியூர் கிராமத்தை சேர்ந்தவர் ஜெயபால் மகன் ஜெயக்குமார் (வயது 29) இவர் திண்டிவனம் பகுதியை சேர்ந்த 17 வயது சிறுமியை காதலித்து கடந்த மார்ச் மாதத்தில் திருமணம் செய்து கொண்டார். பின்னர், அவர் சிறுமியை பலாத்காரம் செய்ததாக கூறப்படுகிறது. இதனால் சிறுமி தற்போது 9 மாத கர்ப்பமாக உள்ளார். இதுபற்றி அறிந்ததும் மரக்காணம் விரிவாக்க அலுவலர் விஜயா (58) திண்டிவனம் அனைத்து மகளிர் போலீஸ் நிலையத்தில் புகார் அளித்தார். அதன்பேரில் ஜெயக்குமார் மீது போலீஸ் இன்ஸ்பெக்டர் கிருபாலட்சுமி மற்றும் போலீசார் போக்ஸோ சட்டத்தின் கீழ் வழக்குப்பதிவு செய்து விசாரணை நடத்தி வருகின்றனர்.
