ஈரோடு: கட்டிட மேஸ்திரி வீட்டின் பூட்டை உடைத்து பணம் திருட்டு
ஈரோடு வெண்டிபாளையம் தமிழ்நகர் பகுதியினை சேர்ந்தவர் குமார். இவரது மனைவி சுதா மற்றும் குழந்தையுடன் வசித்து வருகிறார். இந்த நிலையில் கட்டிட மேஸ்திரியான குமார் தனது மனைவியுடன் நேற்று வழக்கம் போல வேலைக்கு சென்றுவிட்டு மாலை வீடு திரும்பி உள்ளார். அப்போது வீட்டின் முன்பக்க கதவுகள் உடைக்கப்பட்டு கிடந்ததை கண்டு அதிர்ச்சி அடைந்தனர். தொடர்ந்து உள்ளே சென்று பார்த்த பொழுது பீரோகளில் இருந்த பொருட்கள் கலைக்கப்பட்டு அதில் இருந்த ரூ. 30 ஆயிரம் ரொக்கம் கொள்ளை போனதை கண்டு அதிர்ச்சி அடைந்தனர். இச்சம்பவம் குறித்து மொடக்குறிச்சி போலீசாருக்கு தகவல் தெரிவிக்கப்பட்டத்தை தொடர்ந்து சம்பவ இடத்திற்கு வந்து போலீசார் தடயங்களை கைப்பற்றி விசாரணை நடத்தி வருகின்றனர். மேலும் அந்தப் பகுதியில் பொருத்தப்பட்டிருக்கும் சி. சி. டி. வி கேமரா காட்சிகளை ஆய்வு செய்து வருகின்றனர்.
