கல்லூரி மாணவர் விஷம் குடித்து தற்கொலை
ஈரோடு மாவட்டம் அம்மாபேட்டை அடுத்த ஒலகடம் அருகே உள்ள குனக்காபாளையத்தை சேர்ந்தவர் விஸ்வலிங்கம். இவரது மகன் அருண்குமார் (19). திருச்செங்கோட்டில் உள்ள ஒரு தனியார் கல்லூரியில் இளங்கலை இரண்டாம் ஆண்டு படித்து வந்தார். அருண்குமார் வீட்டில் இரவு நேரங்களில் செல்போனில் பப்ஜி விளையாட்டு விளையாடி வந்துள்ளார். எந்த நேரமும் பப்ஜி விளையாட்டை விளையாடியதால் பெற்றோர் இதனை கண்டித்தனர். இதனால் மன வேதனையில் இருந்து அருண்குமார் கடந்த 4 நாளைக்கு முன்பு வீட்டில் இருந்த களைக்கொல்லி மருந்தை எடுத்து குடித்து தற்கொலைக்கு முயன்று உள்ளார். இதனால் அவரது பெற்றோர் உடனடியாக அருண்குமாரை மீட்டு சிகிச்சைக்காக அந்தியூர் அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக கோவையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். அங்கு சிகிச்சை பெற்று வந்த அருண்குமார் சிகிச்சை பலனின்றி இன்று (செப் 28) காலை பரிதாபமாக இறந்தார். அவரது உடலை பார்த்து பெற்றோர் கதறி அழுதனர். இதுகுறித்து வெள்ளி திருப்பூர் போலீசார் வழக்கு பதிவு செய்து விசாரணை நடத்தி வருகின்றனர்.
