கோவை: ஓடும் பஸ்சில் பெண்ணிடம் நகை அபேஸ்
கோவை செல்வபுரம் அருகே உள்ள காட்டன் செட்டியார் தெரு பகுதியைச் சேர்ந்தவர் சுயம்புலிங்கம். இவரது மகள் ரேவதி (29). இவர் நேற்று செட்டி வீதி பஸ் நிறுத்தத்தில் இருந்து அரசு பஸ்சில் ஏறி அவிநாசி ரோட்டில் அண்ணா சிலை அருகே சென்று கொண்டிருந்தார். அப்போது அவரது கழுத்தில் இருந்த 1 பவுன் நகை காணாமல் போனது. மர்ம நபர் யாரோ கூட்ட நெரிசலில் திருடி சென்று விட்டார். இது குறித்து கோவை ரேஸ் கோர்ஸ் போலீசார் வழக்கு பதிவு செய்து விசாரித்து வருகிறார்கள்.
