சிங்காநல்லூர்: விபத்தில் உணவு டெலிவரி ஊழியர் பலி
கோவை, ராமநாதபுரம் பகுதியைச் சேர்ந்தவர் பாலமுருகன் (41). இவர் தனியார் உணவு டெலிவரி நிறுவனத்தில் வேலை செய்து வந்தார். இன்று காலை சிங்காநல்லூர் பகுதியில் உணவு டெலிவரி செய்வதற்காக பாலமுருகன் பைக்கில் சென்றார். சிங்காநல்லூர் அருகே சென்றபோது அந்த வழியாக வந்த லாரி திடீரென கட்டுப்பாட்டை இழந்து பாலமுருகன் சென்ற பைக் மீது மோதியது. இதில் பலத்த காயம் அடைந்த பாலமுருகனை அந்த வழியாக சென்றவர்கள் மீட்டு கோவை அரசு மருத்துவமனையில் சிகிச்சைக்கு சேர்த்தனர். ஆனால் அங்கு அவர் சிகிச்சை பலனின்றி பரிதாபமாக இறந்தார். இதுகுறித்து கிழக்கு போக்குவரத்து போலீசார் வழக்கு பதிவு செய்து விசாரணை நடத்தி வருகின்றனர்.
