சென்னை: தீபாவளி பண்டிகை; கோயில்களில் சிறப்பு வழிபாடு
தீபாவளி பண்டிகையையொட்டி தமிழகத்தில் உள்ள பிரசித்தி பெற்ற கோயில்களில் நடந்த சிறப்பு வழிபாடுகளில் ஏராளமான மக்கள் பங்கேற்று சாமி தரிசனம் செய்தனர். நாடு முழுவதும் இன்று தீபாவளி கொண்டாடப்பட்டு வருகிறது. இன்று காலையில் இருந்தே, புத்தாடைகள் உடுத்தியும், பட்டாசுகளை வெடித்தும் பொதுமக்கள் உற்சாகமாக தீபாவளி பண்டிகையை கொண்டாடி வருகின்றனர். தமிழகத்திலும் தீபாவளி பண்டிகை சிறப்பாக கொண்டாடப்பட்டு வருகிறது. இன்று காலை முதலே, தமிழகத்தில் உள்ள பல்வேறு கோயில்களிலும் சிறப்பு பூஜைகளும், வழிபாடுகளும் நடைபெற்றன. பண்டிகை தினத்தையொட்டி, கோயில்களுக்குச் சென்ற பொதுமக்கள் நீண்டவரிசையில், காத்திருந்து சாமி தரிசனம் செய்தனர். சென்னையில், தீபாவளி பண்டிகையையொட்டி வடபழனி முருகன் கோயில், மயிலாப்பூர் கபாலீஸ்வரர் கோயில், திருவல்லிக்கேணி பார்த்தசாரதி கோயில் உள்ளிட்ட பல்வேறு கோயில்களில் நடந்த சிறப்பு பூஜைகளில் ஏராளமான பக்தர்கள் கலந்துகொண்டு சாமி தரிசனம் செய்தனர்.
