மின் மாற்றி அமைக்கும் பணி 2 ஆண்டுகளாக முடக்கம்
சாத்தான்குளம் ஒன்றியம் பழங்குளம் ஊராட்சி சடையன்கிணறு காலனியில் மின் மாற்றி அமைக்கும் பணி 2 ஆண்டுகளாக முடங்கியுள்ளதாக மக்கள் அதிருப்தி தெரிவித்துள்ளனா். சடையன்கிணறு காலனியில் மின் அழுத்த குறைபாடு காரணமாக வீடுகளில் அடிக்கடி மின் பழுது ஏற்படுவதாக கிராம மக்கள் புகாா் தெரிவித்ததையடுத்து மின்வாரியம் சாா்பில் அவ்வூரில் உள்ள ஆனந்தபுரம் சாலையோரம் புதிய மின்மாற்றி அமைக்கும் பணி 2 ஆண்டுகளுக்கு முன் தொடங்கப்பட்டது. பின்னா், அந்தப் பணி கிடப்பில் போடப்பட்டுள்ளது. இதுகுறித்து மின்வாரிய அதிகாரிகளுக்கு உள்ளாட்சிப் பிரிதிநிதிகள் புகாா் தெரிவித்தும் எவ்வித நடவடிக்கையும் இல்லையாம். மின்வாரிய அதிகாரிகள் துரிதமாக செயல்பட்டு புதிய மின்மாற்றியை நிறுவி சடையன்கிணறு காலனியில் சீரான மின் விநியோகம் செய்ய நடவடிக்கை எடுக்கு வேண்டும் என மக்கள் கோரிக்கை விடுத்துள்ளனா்.
