உயர்வுக்குப் படி வழிகாட்டல் முகாம்: ஆட்சியர் பங்கேற்பு

நாசரேத் ஜெயராஜ் அன்னபாக்கியம் சிஎஸ்ஐ பொறியியல் கல்லூரியில், மாவட்ட நிர்வாகம் சார்பில் ‘உயர்வுக்குப் படி’ வழிகாட்டல் முகாம் நடைபெற்றது. மாவட்ட ஆட்சியர் இளம்பகவத் தலைமை வகித்து முகாமை தொடங்கி வைத்தார். கல்லூரி நிர்வாக அதிகாரி வினோதா முன்னிலை வகித்தார். கல்லூரி முதல்வர் ஜெயக்குமார் வரவேற்றார். திருச்செந்தூர் வருவாய் கோட்டாட்சியர் சுகுமாறன் வாழ்த்திப் பேசினார்.

முகாமில் மாவட்ட துணை ஆட்சியர் (பயிற்சி) சத்யா மாணவ, மாணவிகளுக்கு கல்வியின் முக்கியத்துவம் குறித்தும், ராஜேஷ்கன்னா தொழில்நுட்ப படிப்புகள் குறித்தும், கோவில்பட்டி உதவி பேராசிரியர் புவனேஸ்வரி கலை மற்றும் அறிவியல் படிப்புகள் குறித்தும், ஏஞ்சல் விஜயநிர்மலா தொழிற்பயிற்சி படிப்புகள் குறித்தும், மாவட்ட ஆதிதிராவிடர் நலத்துறை அலுவலர் பென்னட் ஆசீர், மாவட்ட பிற்படுத்தப்பட்டோர் நல அலுவலர் விக்கேஷ்வரன், மாவட்ட சமூக நல அலுவலர் செல்வி பிரேமலதா ஆகியோர் அரசுத் துறை திட்டங்கள் குறித்தும், நாசரேத் இந்தியன் ஓவர்சீஸ் வங்கி மேலாளர் நோபுள் மேஷாக் கல்விக் கடன் பெறுவது குறித்தும் எடுத்துரைத்தனர். உயர்கல்வியில் சேர்ந்த மாணவ மாணவிகளுக்கு சேர்க்கை படிவம் வழங்கப்பட்டது. நிகழ்ச்சியை கல்லூரி பேராசிரியர் சாம் ஜெனிஷ் தொகுத்து வழங்கினார்.