அனல்மின் நிலையத்தில் சுடு நீரில் அடித்து செல்லப்பட்ட கிளீனர்
திருவள்ளூர் மாவட்டம் மீஞ்சூரை அடுத்த வட சென்னை அனல் மின் நிலையத்தில் உள்ள சாம்பல் கழிவுகளை ஒப்பந்த அடிப்படையில் லாரியின் மூலம் ஏற்றி செல்வது வழக்கம். அதன் அடிப்படையில் இந்த தொழிற்சாலையில் சேரும் சாம்பல் கழிவுகளை பல வருடங்களாக ஒப்பந்த அடிப்படையில் லாரி மூலம் எடுத்துச் செல்லும் ஓட்டுநர்களுக்கும் லாரி கிளீனர்களுக்கும் சரியான பாதுகாப்பை வடசென்னை அனல் மின் நிலைய அலகு இரண்டில் ஏற்படுத்தி தரவில்லை என்று கூறி டிரைவர்களும் கிளீனர்களும் இன்று போராட்டம் நடத்தி வருகின்றனர். இதற்கிடையே நேற்று காலை 11 மணியளவில் சாம்பல் கழிவை லாரியில் ஏற்றுவதற்காக மீஞ்சூர் அடுத்த ஜெகநாதபுரம் என்ற கிராமத்தை சேர்ந்த கிளீனர் நாகராஜ் மற்றும் அவருடன் ஓட்டுநரும் சென்றனர். அப்போது அருகில் உள்ள பாய்லர் தண்ணீர் வெளியேறும் கால்வாய் அருகே கிளீளரான நாகராஜ் சென்றதாக தெரிகிறது. அப்போது அவர் எதிர்பாராத விதமாக அந்த சுடுநீர் செல்லும் கால்வாயில் தவறி விழுந்திருக்கலாம் என்று கூறப்படுகிறது. தற்போது ஒரு நாள் ஆகியும் கிளீனர் நாகராஜன் காணவில்லை என்று அவரது குடும்பத்தினர் உறவினர்கள் வடசென்னை அனல் மின் நிலைய அலகு 2 வின் முன்பு நின்று கொண்டு போராட்டத்தில் ஈடுபட்டனர்
