தேனியில் அகில இந்திய பார்வர்ட் பிளாக் கட்சி செயற்குழு
தேனியில் அகில இந்திய பார்வர்ட் பிளாக் கட்சியின் மாநில குழு கூட்டம். தேனி மாவட்ட கட்சி அலுவலகத்தில் மாநில பொதுச்செயலாளர் கர்ணன் தலைமையிலும், தேசிய செயலாளர்கள் ஸ்ரீவைசுரேஷ், ஜெயராமன் முன்னிலையில் நடைபெற்றது. மாநில செயற்குழு உறுப்பினர் சக்ரவர்த்தி வரவேற்புரையாற்றினார். கூட்டத்தில் வருகின்ற அக். 28, 29, 30 ஆம் தேதியன்று தேசிய தலைவர் முத்துராமலிங்கத்தேவர் 117-வது ஜெயந்தி விழாவில் அனைவரும் கலந்து கொள்வது, அகில இந்திய பார்வர்ட் பிளாக் கட்;சியின் தலைவர் நேதாஜி சுபாஷ் சந்திரபோஸ் அவர்களால் நிறுவப்பட்ட ஆசாத் இந்து சர்க்கார் அமைப்பு தினம் வரும் அக். 21-ஆம் நாள் நமது அகில இந்திய பார்வர்ட் பிளாக் கட்சியின் சார்பாக அனைத்து பகுதிகளிலும் விழா கொண்டாட வேண்டுமெனவும், அகில இந்திய பார்வர்ட் பிளாக் கட்சியின் முன்னாள் மாநில பொதுச்செயலாளர் கட்சியின் கட்டுபாடுகளை மீறி தொடர்ந்து செயல்பட்டதால் கட்சியின் அடிப்படை உறுப்பினர் பதவியில் இருந்து ஒருமனதாக நீக்கி மாநில குழு கூட்டத்தில் தீர்மானம் நிறைவேற்றப்பட்டது. இத்துடன் 6 தீர்மானங்கள் ஒருமனதாக நிறைவேற்றப்பட்டது. கூட்ட முடிவில் தேனி மாவட்ட தலைவர் எம். டி. இராமசாமி நன்றி கூறினார்.
