அதிராம்பட்டினம்: சாலை விபத்தில் சிக்கி ஒருவர் பலி
தஞ்சாவூர் மாவட்டம், அதிராம்பட்டினம் கிழக்கு கடற்கரை சாலையில் நேற்று(நவம்பர் 17) சுமார் 45 வயது மதிக்கத்தக்க அடையாளம் தெரியாத நபர் ஒருவர் நடந்து சென்று கொண்டிருந்தார். அப்போது அந்த வழியாக மல்லிப்பட்டினத்தை சேர்ந்த ரிஸ்வான் (30) என்பவர் பைக்கை ஓட்டி வர எதிர்பாராத விதமாக பைக் நடந்து சென்றவர் மீது மோதி அடையாளம் தெரியாத நபர் இறந்தார். பைக்கை ஓட்டி வந்த ரிஸ்வான் ஆபத்தான நிலையில் அதிராம்பட்டினம் அரசு மருத்துவமனையில் சேர்க்கப்பட்டு அங்கு அவருக்கு முதலுதவி செய்யப்பட்ட நிலையில் மேலசிகிச்சைக்காக பட்டுக்கோட்டை அரசு மருத்துவமனைக்கு அனுப்பி வைக்கப்பட்டார். இறந்தவர் யார் என்று தெரியாத நிலையில் அதிராம்பட்டினம் போலீசார் வழக்குப்பதிவு செய்து விசாரணை நடத்தி வருகின்றனர்.
