பட்டுக்கோட்டை அருகே பாலியல் தொந்தரவு செய்து பெண் படுகொலை

தஞ்சை மாவட்டம் பட்டுக்கோட்டை அருகே உள்ள நடுவிக்கோட்டை இந்திரா நகர் பகுதியைச் சேர்ந்தவர் ராஜா இவருடைய மனைவி ரோஜா வயது 32. இவர்களது பக்கத்து வீட்டில் வசித்து வருபவர் செல்வராஜ் மகன் ஆரோக்கிய தாஸ். இந்நிலையில் ஆரோக்கியதாஸ் கடந்த சில நாட்களுக்கு முன்பு, கணவன் மனைவியான ராஜா மற்றும் ரோஜா ஆகியோர் பெட்ரூமில் இருந்த பொழுது ஜன்னல் வழியாக எட்டி பார்த்துள்ளார். இதனைக் கண்ட ராஜா ஆரோக்கியதாசை கோபத்துடன் திட்டி எச்சரித்து அனுப்பியுள்ளார். இந்நிலையில் இன்று காலை தனது வீட்டு சந்து பகுதியில் ரோஜா வந்து கொண்டிருந்த பொழுது ஆரோக்கியதாஸ் ரோஜாவின் கையை பிடித்து இழுத்து பாலியல் தொந்தரவு கொடுத்ததாக கூறப்படுகிறது இந்த நிலையில் ரோஜா சத்தம் போடவே கையில் மறைத்து வைத்திருந்த அரிவாளால் ஆரோக்கியதாஸ் ரோஜாவின் கழுத்தை வெட்டியுள்ளார் இதில் ரோஜா துடிதுடித்து இறந்த நிலையில் ரோஜாவின் அலறல் சத்தம் கேட்ட அக்கம்பக்கத்தினர் ஓடி வந்து பார்த்த பொழுது அங்கு அரிவாளுடன் நின்றிருந்த ஆரோக்கியதாஸ் பிடித்து கட்டி வைத்து உடனடியாக காவல்துறைக்கு தகவல் கொடுத்தனர் தகவலின் பெயரில் விரைந்து வந்த வாட்டாத்திக்கோட்டை போலீசார் ஆரோக்கியதாஸை கைது செய்து விசாரணை மேற்கொண்டு வருகின்றனர். பட்டப் பகலில் இளம் பெண்ணின் கழுத்தை அறுத்து கொலை செய்த சம்பவம் பட்டுக்கோட்டை மற்றும் அதனை சுற்றியுள்ள பகுதிகளில் வரும் பரபரப்பை ஏற்படுத்தியுள்ளது