காக்காபாளையம் ஏரியில் மீன்கள் செத்து மிதந்ததால் பரபரப்பு
சேலம் மாவட்டம் மகுடஞ்சாவடி ஒன்றியம் காக்காபாளையம் பகுதியில் உள்ள ஏரியில் ஜிலேபி, பாறை, கெண்டை உள்ளிட்ட பல்வேறு வகையான மீன்கள் உள்ளன. நேற்று ஏரியில் மீன்கள் செத்து மிதந்தன. இதனால் அங்கு திடீர் பரபரப்பு ஏற்பட்டது. இதுகுறித்து மகுடஞ்சாவடி வட்டார வளர்ச்சி அலுவலர் மலர்விழி கூறுகையில், ஏரியில் மீன்கள் இறப்புக்கு காரணம் குறித்து மீன்வளத்துறையினரும், மாசு கட்டுப்பாட்டு வாரியத்தினரும் நேரில் வந்து பார்வையிட்டு தண்ணீரை பரிசோதனை செய்த பிறகே காரணம் தெரிய வரும் என்றார்.
