சேலம்: எட்டாம் வகுப்பு படித்த போலி டாக்டர் கைது
சேலம் மாவட்டம் கெங்கவல்லி அருகே தம்மம்பட்டி ஆதிதிராவிடர் தெருவில் வசிப்பவர் இஸ்மாயில் (54) இவர் எட்டாம் வகுப்பு படித்துள்ளார். கடந்த சில நாட்களாக தனியார் மருத்துவமனையில் உதவியாளராக வேலை செய்து வந்துள்ளார். இதனால் தம்மம்பட்டி பகுதியில் உள்ள மக்களுக்கு வீட்டுக்குச் சென்று இங்கிலீஷ் மருத்துவம் பார்த்துள்ளார். இதுகுறித்து தகவல் அறிந்த மெடிக்கல் ஆபீசர் செந்தில்குமார் இங்கிலீஷ் வைத்தியம் பார்த்த இஸ்மாயிலை பிடித்து விசாரணை செய்ததில் அவர் போலி டாக்டர் என தெரியவந்தது. மேலும் அவரிடம் இருந்த இங்கிலீஷ் மருந்துகளையும் பறிமுதல் செய்தனர். இதனை அடுத்து மெடிக்கல் ஆபீசர் செந்தில்குமார் தம்மம்பட்டி போலீஸ் ஸ்டேஷனில் அளித்த புகாரின் பேரில் இஸ்மாயிலை தம்மம்பட்டி போலீசார் கைது செய்தனர். எட்டாம் வகுப்பு மட்டுமே படித்துவிட்டு இங்கிலீஷ் மெடிசின் பார்த்த போலி டாக்டருக்கு போலீசார் காப்பு போட்ட சம்பவம் பரபரப்பை ஏற்படுத்தி உள்ளது.
