தம்மம்பட்டி பேரூர் கழகச் செயலாளர் மறைவு இபிஎஸ் நேரில் அஞ்சலி

சேலம் புறநகர் மாவட்ட கழகத்திற்குட்பட்ட தம்மம்பட்டி பேரூர் கழக செயலாளரும், தம்மம்பட்டி பேரூராட்சி துணைத்தலைவருமான ஸ்ரீகுமரன் இன்றைய தினம் அதிகாலை மாரடைப்பால் காலமானார். இதனையடுத்து அதிமுக பொதுச்செயலாளரும், சட்டமன்ற எதிர்கட்சி தரைவருமான எடப்பாடி கே. பழனிசாமி அவர்கள், இன்றைய தினம் தம்மம்பட்டிக்கு நேரில் சென்று ஸ்ரீகுமரன் உடலுக்கு மாலை அணிவித்து அஞ்சலி செலுத்தினார். மேலும், ஸ்ரீகுமரன் மறைவால் அவரை பிரிந்துவாடும் அவரது குடும்பத்தினருக்கு ஆறுதல் தெரிவித்தார்.
இந்த நிகழ்வின்போது, சேலம் புறநகர் மாவட்ட கழக செயலாளர் இளங்கோவன், கெங்கவல்லி தொகுதி சட்டமன்ற உறுப்பினர் நல்லதம்பி, ஆத்தூர் தொகுதி சட்டமன்ற உறுப்பினர் ஜெய்சங்கரன், ஓமலூர் தொகுதி சட்டமன்ற உறுப்பினர் மணி மற்றும் கழக நிர்வாகிகள் உடனிருந்தனர்.