சார்வாய் இரு சக்கர வாகன விபத்தில் கணவன் கண்முன்னே மனைவி பலி

சேலம்மாவட்டம், தலைவாசல் அருகே சார்வாய் புதூர் கிராமத்தைச் சேர்ந்தவர் பெரியசாமி, அவரது மனைவி கருப்பாயி (51) கூலி தொழிலாளியான இருவரும்இருசக்கர வாகனத்தில் சம்பேரியில் உள்ள தனது பேரக் குழந்தையை பார்த்துவிட்டு வீடு திரும்பி கொண்டிருந்தனர். அப்போது இருசக்கர வாகனத்தில் வீடு திரும்பி கொண்டிருந்த போது சேலத்தில் இருந்து சென்னை நோக்கி சென்ற லாரி பெரியசாமி சென்ற இருசக்கர வாகனத்தின் மீது மோதி விபத்துக்குள்ளானது இதில் நிலை தடுமாறி கீழே விழுந்த பெரியசாமி மற்றும் அவரது மனைவி கருப்பாயி ஆகியோர் மீது லாரி ஏறியதில் கருப்பாயி நிகழ்வு இடத்திலேயே பரிதாபமாக உயிரிழந்தார். படுகாயம் அடைந்த பெரியசாமி ஆத்தூர் அரசு மருத்துவமனையில் சிகிச்சைக்காக அனுமதிக்கப்பட்ட நிலையில் அங்கு அவருக்கு முதலுதவி சிகிச்சை அளிக்கப்பட்டு பின் மேல் சிகிச்சைக்காக சேலம் அரசு மருத்துவமனைக்கு அனுப்பி வைத்து போலீசார் விசாரணை மேற்கொண்டு வருகின்றனர்.