சேலத்தில் மது விற்ற 2 பெண்கள் உள்பட 3 பேர் கைது
சேலம் கிச்சிப்பாளையம் போலீசார் கஸ்தூரிபாய் தெருவில் மதுபாட்டில்களை பதுக்கி விற்ற ராஜீ மனைவி சாந்தி (வயது64) என்பவரை கைது செய்தனர். பின்னர் அவரிடம் இருந்து 20 மதுபாட்டில்களை பறிமுதல் செய்தனர். இதேபோல், கொண்டலாம்பட்டி புதூர் போலீசார் மதுபாட்டில்களை பதுக்கி வைத்து விற்பனை செய்த சுப்பிரமணி (62) என்பவரை கைது செய்தனர். மேலும், அவரிடம் இருந்து 30 மதுபாட்டில்களை பறிமுதல் செய்தனர். கொண்டலாம்பட்டி போலீசார் நெய்காரப்பட்டி, எட்டிமரத்துப்பட்டி பகுதியில் மதுபாட்டில்களை விற்பனை செய்த முனியப்பன் என்பவரின் மனைவி கோகிலா (44) என்பவரை போலீசார் கைது செய்தனர். அவரிடம் இருந்து 32 மதுபாட்டில்கள் பறிமுதல் செய்யப்பட்டது. சேலத்தில் நேற்று ஒரே நாளில் மதுபாட்டில்களை விற்றதாக 2 பெண்கள் உள்பட 3 பேர் கைது செய்யப்பட்டுள்ளனர்.
