மேலூர்: சதுரங்க போட்டியில் மாணவர்கள் சாதனை
தமிழக பள்ளிக்கல்வித்துறை சார்பில் வருவாய் மாவட்ட அளவிலான சதுரங்க போட்டி நேற்று (அக். 22) மதுரை நாகமலை புதுக்கோட்டையில் உள்ள ஜெயராஜ் நாடார் மேல்நிலைப் பள்ளியில் நடைபெற்றது. இப்போட்டியில் குறுவட்ட அளவில் முதல் மூன்று இடங்களில் வெற்றி பெற்ற மாணவர்கள் விளையாடினர். இதில் 11 வயதுக்குட்பட்டோருக்கான பெண்கள் பிரிவில் மேலூர் அருகே உள்ள அ. செட்டியார்பட்டி ஊராட்சி ஒன்றிய துவக்கப்பள்ளியில் நான்காம் வகுப்பு பயிலும் மாணவி இ. இஸ்பா டுஜானா முதலிடமும், அதே வகுப்பில் நான்காம் வகுப்பு பயிலும் மாணவி S. யாகஸ்ரீ மூன்றாம் இடமும் பெற்றனர். இப்பள்ளிக்கு அருகே உள்ள அ. வல்லாளப்பட்டி அரசு மேல்நிலைப் பள்ளியில் பதினொன்றாம் வகுப்பு பயிலும் மாணவர் மோ. சந்தோஷ் 17 வயது உட்பட்டோருக்கான ஆண்கள் பிரிவில் இரண்டாம் இடமும், அதே பள்ளியில் பத்தாம் வகுப்பு படிக்கும் மாணவிஅ. சோலையம்மாள் இரண்டாம் இடமும், அதே பள்ளியில் பதினொன்றாம் வகுப்பு படிக்கும் மாணவி சி. கலைச்செல்வி இரண்டாம் இடமும் பெற்றனர். வெற்றி பெற்ற மாணவர்களுக்கு பதக்கங்களும் சான்றிதழ்களும் வழங்கப்பட்டன. வெற்றி பெற்ற 5 மாணவர்களும் வரும் 28ஆம் தேதி திருப்பத்தூர் மாவட்டத்தில் நடைபெறும் மாநில அளவிலான சதுரங்க போட்டியில் விளையாட தகுதி பெற்றனர் என்பது குறிப்பிடத்தக்கது.
