கிருஷ்ணகிரி: மாற்றுத்திறனாளிகளுக்கு தீபாவளி பரிசுகள் வழங்கும் நிகழ்ச்சி
கிருஷ்ணகிரி மாவட்டம் ஊத்தங்கரை அனைத்து மகளிர் காவல் நிலையத்தில் தீபாவளி முன்னிட்டு தேர்ந்தெடுக்கப்பட்ட மாற்றுத் திறனாளிகளுக்கு புத்தாடைகள் மற்றும் பரிசுகள் வழங்கும் நிகழ்ச்சி நடைபெற்றது. இந்நிகழ்ச்சிக்கு ஊத்தங்கரை காவல் நிலைய காவல் ஆய்வாளர் முருகன் தலைமை தாங்கினார். மகளிர் காவல் நிலையத்தில் பணியாற்றும் உதவி காவல் ஆய்வாளர் ரமணி, எஸ். ஐ கீதா, காவலர்கள் சங்கீதா, சுமதி ஆகியோர் முன்னிலை வகித்தனர். தேர்ந்தெடுக்கப்பட்ட மாற்றுத் திறனாளிகளுக்கு புத்தாடைகள், பரிசுகள், இனிப்பு ஆகியவற்றை ஆண்கள் பள்ளி முன்னாள் மாணவர்கள் சங்கத் தலைவர் சென்னகிருஷ்ணன் ஜே. ஆர். சி ஆசிரியர் கணேசன் ஆகியோர் வழங்கினார்கள். இந்நிகழ்ச்சியில் சத்யா ஏஜென்சிஸ் குமரேசன், காதி கிராப்ட் பாஸ்கர், ஜீவா மற்றும் மாற்றுத்திறனாளிகள் கலந்து கொண்டனர். முன்னதாக மாற்றுத்திறனாளி திருப்பதி வரவேற்றார். மாற்றுத்திறனாளி திம்மையன் நன்றி கூறினார்.
