ஓசூர்: பெண்ணை தாக்கியவர் கைது
கிருஷ்ணகிரி மாவட்டம் ஓசூர் ராயக்கோட்டை ஹவுசிங் போர்டை சேர்ந்தவர் மாதவி (45) இவரது வீட்டு அருகில் சானமாவு பகுதியைச் சேர்ந்த மனோஜ் (21) என்பவர் நின்று கொண்டிருந்தார். இங்கு எதற்காக நிற்கிறீர்கள் என கேட்டுள்ளார். இதுதொடர்பாக அவர்களுக்குள் தகராறு ஏற்பட்டுள்ளது. இதில் மனோஜ் மாதவியை தாக்கி கொலை மிரட்டல் விடுத்ததாக கூறப்படுகிறது. இது குறித்து மாதவி ஓசூர் டவுன் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து மனோஜை கைது செய்து விசாரணை நடத்தி வருகின்றனர்.
