கிருஷ்ணகிரி: இளம்பெண்ணை மிரட்டி கர்ப்பமாக்கிய வாலிபர்
கிருஷ்ணகிரி மாவட்டம் போச்சம்பள்ளி அடுத்துள்ள கொடமாண்டப்பட்டி பகுதியைச் சேர்ந்தவர் முபாரக் (29). துணிக்கடையில் விற்பனையாளராக உள்ளார். இவருக்கு திருமணமாகி ஒரு பெண் குழந்தை உள்ள நிலையில் இவரது வீட்டின் அருகே ஒரு வீட்டில் சுமார் 19 வயதுடைய இளம் பெண்ணிடம் முபாரக் நட்பாக பழகி வந்த நிலையில், ஒரு கட்டத்தில் அப்பெண்ணிடம் தவறாக நடக்க முயற்சித்துள்ளார். இருவரும் சேர்ந்து எடுத்துக்கொண்ட புகைப்படத்தை காண்பித்து, மிரட்டி அப்பெண்ணுடன் தனிமையில் அவ்வப்போது இருந்தாக கூறப்படுகிறது. இதில் அந்த இளம்பெண் கர்ப்பமடைந்துள்ளார். அந்த பெண்ணின் நடத்தையில் மாற்றம் இருப்பதை கண்ட பெற்றோர் விசாரித்ததில் நடந்தவற்றை கூறியுள்ளார். இதுகுறித்து பெற்றோர் கொடுத்த புகாரின் பேரில் போச்சம்பள்ளி போலீசார் விசாரணை நடத்தி முபாரக்கை கைது செய்தனர்.
