மோளப்பட்டியில் சட்டவிரோத மது விற்பனை.. பெண் கைது
மோளப்பட்டியில் சட்டவிரோத மது விற்பனை. பெண் கைது. காவல்துறை நடவடிக்கை. கரூர் மாவட்டம், பாலவிடுதி காவல் நிலைய எல்லைக்குட்பட்ட பகுதியில் சட்டவிரோதமாக மது விற்பனை நடப்பது குறித்து பெண் காவல் உதவி ஆய்வாளர் பிரியதர்ஷினிக்கு தகவல் கிடைத்தது. தகவலின் அடிப்படையில் நேற்று நவம்பர் 1-ம் தேதி மாலை 6 மணி அளவில், கடவூர் தாலுகாவிற்கு உட்பட்ட செம்பியநத்தம் பகுதியில் ரோந்து பணியில் ஈடுபட்டார். அப்போது அருகில் உள்ள மூலப்பட்டி பகுதியில் மருதமுத்து மனைவி மருதாயி வயது (47) என்பவர் சட்ட விரோத மது விற்பனையில் ஈடுபட்டது கண்டறியப்பட்டது. மது விற்பனையில் ஈடுபட்ட மருதாயி-யை கைது செய்து, அவர் விற்பனைக்கு வைத்திருந்த 26 குவாட்டர் பிராந்தி பாட்டில்களை பறிமுதல் செய்தனர். மேலும், மருதாயி மீது வழக்கு பதிவு செய்து, பின்னர் அவரை காவல் நிலையப் பினையில் விடுவித்து நடவடிக்கை மேற்கொண்டனர் பாலவிடுதி காவல்துறையினர்.
