விசிக தோகைமலை மேற்கு ஒன்றிய செயற்குழு கூட்டம்
கரூர் கிழக்கு மாவட்டம் விடுதலைச் சிறுத்தைகள் கட்சி தோகைமலை மேற்கு ஒன்றிய செயற்குழு கூட்டம் இன்று நடைபெற்றது. தோகைமலை ஒன்றிய செயலாளர் ராஜ்குமார் தலைமை வகித்தார். ஒன்றிய பொருளாளர் மகாதேவன் வரவேற்புரை நிகழ்த்தினார். ஒன்றிய பொறுப்பாளர்கள் பிரபு குமார், மலைவேல், கலைவாணன், சரத்குமார், பாலாஜி ஆகியோர் முன்னிலை வகித்தனர். சட்டமன்ற தொகுதி மாவட்ட பொறுப்பாளர்கள் லட்சுமணன், சரவணன், பாலகுமார், குமரவேல், ரேணுகாதேவி ஆகியோர் வாழ்த்துரை வழங்கினர். சிறப்பு அழைப்பாளராக திருச்சி கரூர் மண்டல செயலாளர் தமிழாதன், கரூர் கிழக்கு மாவட்ட செயலாளர் குறிச்சி சக்திவேல் (எ) ஆற்றலரசு, மாவட்ட பொருளாளர் அவிநாசி, மாநில செயற்குழு உறுப்பினர் காமராஜ் ஆகியோர் கலந்து கொண்டு சிறப்புரையாற்றினர். இந்த செயற்குழு கூட்டத்தில் 4 தீர்மானங்கள் நிறைவேற்றப்பட்டது. இந்நிகழ்வில் தோகைமலை மேற்கு ஒன்றியத்திற்கு உட்பட்ட 10 ஊராட்சிகளின் ஊராட்சி பொறுப்பாளர்கள், முகாம் பொறுப்பாளர்கள், மகளிர் பொறுப்பாளர்கள், ஊர் முக்கியஸ்தர்கள் என பலரும் கலந்து கொண்டனர்.
