புதுக்கடை: கருங்கல் கடத்திய டிரைவர் கைது; டெம்போ பறிமுதல்
புதுக்கடை அருகேயுள்ள கீழ்குளம் பகுதியில் இருந்து பாறைகளை உடைத்து கடத்துவதாக புதுக்கடை போலீசாருக்கு தகவல் கிடைத்தது. இதன்பேரில் சப்-இன்ஸ்பெக்டர் கார்த்திக் தலைமையிலான போலீசார் நேற்று (மார்ச் 26) அந்தப் பகுதியில் உள்ள கொடித்தாறாவிளை பகுதியில் ரோந்து பணியில் ஈடுபட்டனர். அப்போது அந்த வழியாக சந்தேகத்திற்கிடமாக வேகமாக வந்த ஒரு டெம்போவை நிறுத்தி சோதனை செய்தனர். சோதனையில் அனுமதி இன்றி அந்த டெம்போவில் கருங்கற்கள் ஏற்றிவந்தது தெரியவந்தது. உடனே போலீசார் அவற்றை டெம்போவுடன் பறிமுதல் செய்தனர். கடத்தப்பட்ட கருங்கற்களின் மதிப்பு ரூ.5,500 என தெரிகிறது. இதைத் தொடர்ந்து டெம்போ டிரைவர் தெருவுகடை பகுதியைச் சேர்ந்த ஜஸ்டின் கிறிஸ்டோபர் (46) என்பவரை கைது செய்து வழக்குப் பதிவு செய்து விசாரணை நடத்தி வருகின்றனர்.
