తాటిచెట్టుపై నుంచి జారిపడి వ్యక్తి మృతి

ప్రమాదవశాత్తు తాటిచెట్టు పై నుంచి జారిపడి మృతి చెందిన విషాద సంఘటన జనగాం నియోజకవర్గ పరిధిలోని కొమురవెల్లి మండలం ఐనాపూర్ లో చోటుచేసుకుంది. సోమవారం గ్రామానికి చెందిన బుడిగే కిష్టయ్య గీత వృత్తిలో భాగంగా తాటి చెట్టు ఎక్కుతున్న క్రమంలో కాలు జారి కిందపడి మృతి చెందాడని, మృతుడికి భార్య, ఐదుగురు కుమారులున్నారని గ్రామస్తులు తెలిపారు. ఈ సందర్భంగా మృతుడికి పలువురు సంతాపం వ్యక్తం చేశారు.