குமரி: 2 பேருக்கு கத்தி குத்து...2 பேர் படுகாயம்
குளச்சல் அருகே மண்டைக்காடு பகுதியை சேர்ந்தவர் ஜெயக்குமார் மகன் ஜெஸ்லின் (21). உடையார்விளையில் உள்ள எலக்ட்ரிக்கல் கடையில் ஊழியராக வேலை பார்த்து வருகிறார். கடந்த சில நாட்களுக்கு முன்பு கோணங்காடு பகுதியை சேர்ந்த வினோ என்பவர் எலக்ட்ரிக்கல் கடைக்கு சென்று மோட்டாரை சரிசெய்து தருமாறு கொடுத்தார். வினோ அதற்கான பணத்தை கொடுக்கவில்லை. இதனால் ஜெஸ்லின் பணத்தை கேட்டார். அப்போது வலியமார்த்தாண்டன்விளை உள்ள பகுதியில் உள்ள குருசடிக்கு வந்தால் பணத்தை தருவதாக கூறினார். இதை அடுத்து ஜெஸ்லின் மற்றும் கடை உரிமையாளர் ஆண்டனி ரத்தினம் ஜேபா ஆகியோர் அந்தப் பகுதி சென்றனர். அங்கு ஜெஸ்லினுக்கும் வினோவுக்கும் இடையே தகராறு ஏற்பட்டு ஆத்திரமடைந்த வினோ தான் மறைத்து வைத்திருந்த கத்தியால் ஜெஸ்லினை குத்தினார். இதனை தடுக்க வந்த ஆண்டனிக்கும் கத்தி குத்து விழுந்தது. இதில் படுகாயம் அடைந்த இரண்டு பேரும் உடையார்விளையில் உள்ள ஆஸ்பத்திரியில் அனுமதிக்கப்பட்டுள்ளனர். இது தொடர்பான புகாரின் பேரில் குளச்சல் போலீசார் வழக்கு பதிவு செய்து விசாரணை நடத்தி வருகின்றனர்.
