எலவனாசூர்கோட்டை: சந்தனக்கூடு ஊர்வலம்

எலவனாசூர்கோட்டையில் ஹஜரத் தவுலாஷா வலிய மஹோற்சவ நினைவு நாளையொட்டி சந்தனக்கூடு ஊர்வலம் நடந்தது. அதனையொட்டி, நேற்று முன்தினம் (அக் 26) காலை 6: 00 மணிக்கு கொடியேற்றத்துடன் விழா துவங்கியது. தொடர்ந்து இரவு சந்தனக்கூடு ஊர்வலம் நடந்தது. பின், தீப அலங்காரத்தை முன்னிட்டு சம்பந்தி விருந்து நடந்தது. நிகழ்ச்சிக்கு, ஹஜரத் தவுலாஷா சங்கத் தலைவர் ஷம்ஷாத் தலைமை தாங்கினார். ஷேக் அன்வர் முத்துவல்லி முன்னிலை வகித்தார். சிறப்பு விருந்தினர் உளுந்துார்பேட்டை தொகுதி எம். எல். ஏ. , மணிக்கண்ணன் மற்றும் செயலாளர் பாஷா, நிர்வாகிகள் மாலிக், பஷீர், தண்டபாணி, ஜான்பாஷா, பாரதிராஜா, நவ்ஷாத், ஹர்பத், அப்துல் உட்பட பலர் பங்கேற்றனர்.