கள்ளக்குறிச்சி: கல்லை தமிழ் சங்க இலக்கிய சொற்பொழிவு
கள்ளக்குறிச்சியில் கல்லை தமிழ் சங்க இலக்கிய தொடர் சொற்பொழிவு நடந்தது. கல்லை தமிழ் சங்க தலைவர் புகழேந்தி தலைமை தாங்கினார். அரியபெருமானுார் ஊராட்சி தலைவர் நல்லாப்பிள்ளை, கல்வராயன்மலை தமிழ் சங்க தலைவர் மலரடியான், அரசம்பட்டு திருவள்ளுவர் தமிழ் சங்க தலைவர் சவுந்திரராஜன், விருகாவூர் திருவள்ளுவர் தமிழ் சங்க தலைவர் சண்முகம் பிச்சப்பிள்ளை, உலகங்காத்தான் இயற்கை விவசாயிகள் நல சங்க தலைவர் வேலுமாலா முன்னிலை வகித்தனர். திருநாவலுார் தமிழ் சங்க தலைவர் சந்திரன், பகுத்தறிவு இலக்கிய மன்ற தலைவர் ஜெயராமன், சான்றோர் பேரவை தலைவர் ஆசுகவி ஆராவமுதன், தியாகதுருகம் கம்பன் கழக தலைவர் நடேசன், கல்லை தமிழ் சங்க காப்பாளர் டாக்டர் உதயகுமார், பொருளாள் சண்முகம், இணை செயலாளர் ராமானுஜம், தனக்கண்ணு ஆகியோர் பல்வேறு தலைப்புகளில் தமிழ் இலக்கிய தொடர் சொற்பொழிவாற்றினர். நல்லாசிரியர் சிவப்பிரகாசம் நன்றி கூறினார்.
