அரூர் - Harur

தர்மபுரி: அரசு பள்ளியில் மாவட்ட ஆட்சியர் ஆய்வு

தர்மபுரி: அரசு பள்ளியில் மாவட்ட ஆட்சியர் ஆய்வு

தருமபுரி மாவட்டம், கிருஷ்ணாபுரம் அரசு தொடக்கப்பள்ளியில் மாவட்ட ஆட்சித்தலைவர் ரெ. சதீஸ், இன்று நேரில் ஆய்வு செய்து, பள்ளி மாணவ, மாணவியர்களிடம் கற்றல் மற்றும் வாசித்தல் திறன் குறித்து கேட்டறிந்தார். பள்ளியில் பயிலும் மாணவ, மாணவிகளிடம் பாடங்கள் தொடர்பாக விளக்கங்கள் கேட்டு, மாணவ, மாணவிகளின் கற்றல் அடைவு மற்றும் வாசிப்புத் திறன் குறித்து மாவட்ட ஆட்சித்தலைவர் கேட்டறிந்தார். பாடங்கள் குறித்து விளக்கங்கள் கேட்கப்பட்டதில், உரிய பதில்கள் அளித்த மாணவ, மாணவியர்களை ஊக்குவிக்கும் வகையில் பரிசுகள் வழங்கி, பாராட்டினார்.  இதனைத் தொடர்ந்து, தருமபுரி வட்டார வளர்ச்சி அலுவலகத்தில் மாவட்ட ஆட்சித்தலைவர் ரெ. சதீஸ், ஆய்வு மேற்கொண்டு, அங்கு பராமரிக்கப்பட்டு வரும் பதிவேடுகளை பார்வையிட்டு, பொதுமக்களின் தகுதியான கோரிக்கை மனுக்கள் மீது, காலதாமதத்தை தவிர்த்து, உரிய நேரத்தில் நடவடிக்கை மேற்கொண்டு கோரிக்கைகள் நிறைவேற்றிட வேண்டுமென அலுவலர்களுக்கு அறிவுரை வழங்கினார். இந்நிகழ்வுகளின் போது, வட்டார வளர்ச்சி அலுவலர்கள் தனலட்சுமி, சத்யா, உதவி பொறியாளர் சீனிவாசன் மற்றும் தலைமையாசிரியர் உள்ளிட்ட அரசுத்துறை அலுவலர்கள் உடனிருந்தனர்.

வீடியோஸ்


தர்மபுரி