தர்மபுரி: ஒகேனக்கல்லில் 2000 கன அடியாக நீர்வரத்து அதிகரிப்பு

தர்மபுரி மாவட்டம் பென்னாகரம் சட்டமன்ற தொகுதிக்குட்பட்ட கூத்தப்பாடி ஊராட்சி அமைந்துள்ளது. உலகப் பிரசித்தி பெற்ற சுற்றுலா தளமான ஒகேனக்கல் காவிரி ஆற்றுக்கு அருகில் அமைந்துள்ளது. சமீப நாட்களாக தமிழகத்தில் வளிமண்டல மேலடுக்கு மற்றும் கீழ்அடுக்கு சுழற்சி காரணமாக ஒகேனக்கல் வனப்பகுதி மற்றும் காவிரி நீர்பிடிப்பு பகுதிகளில் பொழியும் மழையின் அளவைப் பொறுத்து காவிரி ஆற்றில் நீரின் அளவு அதிகரிப்பதும் குறைவதுமாக காணப்பட்டு வருகிறது. இந்த நிலையில் கடந்த இரண்டு நாட்களாக 1200 கன அடி வீதம் நீர் வந்து கொண்டிருந்த நிலையில் இன்று மார்ச் 24 நிலவரப்படி வினாடிக்கு 2000 கனஅடியாக நீர் வரத்து அதிகரித்து காணப்படுகிறது. தொடர்ந்து மத்திய நிர்வாகத்துறை அதிகாரிகள் நீரின் அளவை கணக்கிடுகின்றனர்.