பெண்ணாடம் அருகே நர்சு திடிர் மாயம்
கடலூர் மாவட்டம் திட்டக்குடி பெண்ணாடம் செம்பேரி சாலையை சேர்ந்த முஹம்மத் அலி (வயது 43) பெயிண்டர். இவரது மகள் ஜாஸ்மின் பி. எஸ்சி நர்சிங் முடித்துள்ள இவர் பெண்ணாடத்தில் உள்ள தனியார் மருத்துவமனையில் பயிற்சி பெற்று வருகிறார். இந்த நிலையில் சம்பவத்தன்று மருத்துவமனைக்கு செல்வதாக கூறிவிட்டு சென்ற ஜாஸ்மின் மருத்துவமனைக்கு வரவில்லை. இது குறித்து மருத்துவமனை ஊழியர்கள் ஜாஸ்மினின் பெற்றோருக்கு தகவல் தெரிவித்தனர். இதனால் அதிர்ச்சி அடைந்த முஹம்மத் அலி மற்றும் உறவினர்கள் பல்வேறு இடங்களில் தேடியும் அவரை காணவில்லை. பின்னர் இதுகுறித்த புகாரின் பேரில் பெண்ணாடம் காவல் துறையினர் வழக்குப்பதிவு செய்து மாயமான ஜாஸ்மினை தேடி வருகின்றனர்.
