சிதம்பரம்: நகை பறித்த வாலிபர் கைது
கடலூர் மாவட்டம் சிதம்பரம் கனகசபை நகரை சேர்ந்த வேலவன் மனைவி விஜயவாணி அண்ணாமலைப் பல்கலைக்கழக ஊழியர் இவர் கடந்த 7 ஆம் தேதி மாலை பணி முடிந்து வீட்டிற்கு சென்றார். வீட்டு மாடிக்கு சென்ற அவரை பின் தொடர்ந்து இருசக்கர வாகனத்தில் வந்த மர்ம நபர் விஜயவாணியின் முகத்தில் ஸ்பிரே அடித்து அவர் அணிந்திருந்த இரண்டரை சவரன் செயினை பறித்துச் சென்றார். இது குறித்து விஜயாராணி கொடுத்த புகாரின் பேரில் சிதம்பரம் நகர காவல் துறையினர் வழக்குப் பதிவு செய்து அப்பகுதியில், இருந்த கண்காணிப்பு கேமராவை ஆய்வு செய்தனர். அதில் திருட்டு சம்பவத்தில் ஈடுபட்டது சிதம்பரம் மேலவீதி பைசல் டவர் பகுதியை சேர்ந்த கவுஸ் மொய்தின் மகன் அசதுல்லா உசேன் என்பது தெரிய வந்தது. உடன் அவரை கைது செய்து, நகை மற்றும் இருசக்கர வாகனத்தை பறிமுதல் செய்தனர்.
